長文
已到埗UK一星期了，終於有時間回想返上星期海陸空既經歷，鬆一口氣 想分享返整個過程我遇到的難題，希望幫到大家 出發前真係每日都有新挑戰，好多個晚上訓唔著 相信好多主人情況同我一樣，學懶洋洋公主講，不斷會遇到突發事，心
臟真係要夠强大呀，真心多謝你呀公主
面對香港惡劣既形勢，希望黎緊要帶毛孩走既主人們要加油呀！
-------訂機票-------
由10月開始訂機票不斷被取消，訂機票都搞到個人好攰(backup)
Lufthansa (被取消x2 > Swiss > Finnair > Qatar > Turkish
一直想帶6kg松鼠狗in cabin, 做足準備 誰知飛前兩星期先收到Finnair通知cancel, 之後可選擇的airline不多了，臨時臨急轉in hold, 又要訂飛機籠，由零開始 最後選擇了qatar, 路線是：
HKG → Doha → Dublin, Ireland
-----打大佬------
接下來的難題到大佬， 突然疫情關係WFH , 而我是星期三晚的機，最穩陣還是星期二要取回文件，打比大佬問，佢叫我星期一早上最好10點前放入dropbox , 如果文件齊會盡做的 星期二可取回(記得mark" Urgent "+ 打電話confirm大佬中午前收到) 於是我安排星期日晚上食杜蟲，結果順利 1 take pass, 開心過考到車牌
------飛機check in------
我是19:10 機，下午未夠3點已經到機場，check in counter未開，我帶狗狗外出行多個圈
大約3點半已經開左，可以既話早d到check in, 機場好多食肆5點就close, 食飽飽先上機
Qatar寵物check in需要出示： 針卡，fit to fly, annex form, 預約Dublin airport compliance check 既 email
佢地會全份拎去make copies
人需要： Ireland PLF, 針紙 / test result (9個月内已打兩針，無需做test)
飛機籠： 可預先放食物和水樽，ground staff有索帶幫你鎖好門
第一程機 全機爆滿，第二程機8成滿
DOHA 轉機無需拎寵物/做安檢，直接轉機；但兩程機都要經接駁巴士，用樓梯上落機，我拎得多hand carry有d辛苦
題外話Qatar飛機餐算幾好食， service都好好
--------到達Dublin--------
早上06:05 落機, 愛爾蘭入境時海關會問你去邊，幾時去，比船飛佢睇下就ok. 接狗狗位置在申報通道的左手面，我去到有職
員陪佢玩緊，個籠本身固定好既水樽移晒位，即係佢無水飲見到佢安然無恙，但成張床都係vv , 畢竟困左成20個鐘，好叻仔架喇
因compliance check約左最早7:30, 未夠鐘我是但揾左個關員幫手，佢好快通知左相關人員幫我地處理， 佢地有部超
大reader, check完晶片就拎左annex form入房吸印 完成後用credit /debit card比錢 €50 就完成了，仲提我呢份form valid 4個月，拎住佢可進出EU, 好nice.
-------Dublin 轉船 Stenaline > Holyhead ---------
Stenaline早上船班次是08:15 , 我本身預計我班機未必趕到，於是一早book左下午2點幾既船飛 我地7點半搞掂晒入左境，都係諗住博一博直接截taxi去左碼頭先
機場門口行前幾步已經有的士站，站頭有人負責安排taxi, 我地行李太多，佢幫我地call左架van, 等得黎上車都8點鐘，心諗一
定趕唔到上一班船啦 15分鐘車程，車費€40(大車). 去到counter先知原來我買左果班船cancel左 , 我上機前仲check過班船仲o係度的，完全無收過通知cancel. 谷友要留意stenaline 下午2點3的船呢排經常都有調動
不幸中之大幸， 上一班船delay, 佢比我地衝上船，boarding期間無人check過任何人寵既文件，上接駁車後，成架車會駛入船上面，落車果層已經係kennel房，staff會安排kennel比你，會有尿片墊，籠既清潔用品，佢會叫你記著密碼鎖，途中可以叫staff帶你落黎睇佢/ 餵佢， 但呢層係好食風，房仔出面超凍，我無要求帶佢外出
我地拎住好多行李狂奔完，仲有個4歲小朋友，於是即場book左間cabin休息，環境幾好床訓得舒服 落船前會
有announcement, 車先走再到foot passenger, 同樣搭返接駁車落船， 就係咁我地終於黎到 了
---------到達Holyhead--------
入境時只是show了人passport (plf 都無睇) , 沒有要求出示寵物文件 (我有提我帶埋狗仔移民) 只是問我在ireland逗留左幾耐
我在Holyhead book左1晚酒店回氣，Holyhead碼頭無乜taxi的，谷友們記得book 定車 我call左酒店老闆幫我揾taxi, 分2次先車得晒d行李 另外想提一提，第一程taxi收debit card, 第二程taxi只收cash, 準備少少£ 穩陣d
叉左一晚電後，book左taxi返屋企，當以為可以鬆一口氣既時候，原來還有更多的難關等住我
不過最重要成功過到黎 ，祝大家都順順利利 或者想知多d 資訊，有興趣入寵物UK熄爐谷，可pm我架
No comments:
Post a Comment