Thursday, November 11, 2021

買籠、買袋,如何令寵物適應入籠入袋?

 來源 – 一人七貓極限挑戰

當你完成咗第一集同第二集嘅工夫之後,你就可以準備寵物搭飛機時要用嘅飛機籠同寵物袋。

PET IN HOLD/CARGO

飛機籠嘅部份比較複雜,因為航空公司會要求你用跟返I A T A規格嘅航空籠。你要先幫你嘅寵物度身,然後再match返佢適合邊一個籠嘅size。寵物要喺籠入邊要有空間站立、轉身同埋躺下。特別想講吓因為我係兩貓一籠,所以當我訂籠嘅時候,我都1516唔知買邊款好。最後我揀咗petmate 嘅inter size,我兩隻貓各自係5kg,空間感都幾大。而KLM要求要有雙碗,如果搵唔到一兜兩格,分開兩個都可以。

Check自己寵物適合乜嘢size嘅籠:
https://animalinstinct.co.uk/iata-airline-approved-pet-car…/

飛機籠我係依度買: https://www.animalhospital.com.hk/shop/

亦都可以上Carousell 搵吓會唔會好彩有人放二手籠。

PET IN CABIN

寵物袋嘅部份,因為飛機起飛同降落嘅時候寵物都必須安置喺櫈底,K L M對寵物袋嘅要求係長闊高不多於48x24x28cm。Check-in時佢唔會特別check你,所以差少少其實都唔係好驚,不過到時可能要屈一屈個袋先放得入。我自己買咗Sleepypod,用落覺得OK,因為個袋夠挺身,佢兩隻角本身都係for你可以屈,屈咗係just fit個櫈底。另外個袋設計令到袋內環境偏暗,我覺得對驚青貓嚟講都friendly,會比較有安全感。

如果想貓貓可以伸展下,有另一款寵物袋可以伸展放大,而家因為疫情關係,乘客距離都有限制,正常嚟講,一個人都可以坐幾個位,放大個袋都唔會對其他人有影響。不過如果遲啲先飛嘅朋友就可能要考慮吓會唔會加大個袋影響到其他人。

Sleepypod: https://www.wnp.com.hk/produ…/sleepypod-air-colour-chocolate

伸展放大貓袋: https://www.amazon.com/-/zh_TW/dp/B087G7J7LP

https://www.amazon.com/PETCIOUS-Approved-Backpack-Backpacks-Expandable/dp/B087G7J7LP

如何令寵物適應入籠入袋

買好籠同袋之後,就可以幫寵物適應下入邊嘅環境。其實我自己本身就冇呢個煩惱,因為我啲貓好鍾意跳入去籠同袋,基本上我一拎返屋企佢哋就會自己入去攤,仲要自己開門自出自入。不過都可以分享吓,如果寵物真係好驚入去,可以試吓將開飯嘅地點變做喺籠入邊或者袋入邊。另外都可以將有主人/貓自己氣味嘅被仔或者某家品店嘅貓寵兒放入去,都可以增加佢哋嘅安全感。

EU FORM點填?幾時要搵獸醫身體檢查?點解搵漁護處加簽咁恐怖

 來源 – 一人七貓極限挑戰

EU form即係Annex Form,寵物入境歐洲國家必須要填寫,我做咗一份sample,對於電腦白痴嘅我嚟講嘔心瀝血,如果大家有需要嘅話就PM我攞。

ANNEX FORM download( 上加下先等於一份):

https://ec.europa.eu/food/system/files/2019-11/pm_eu-reg_animal-health-certificate_en.doc

https://ec.europa.eu/food/system/files/2017-05/pm_eu-reg_animal_health_certificate_annex_3_en.doc

英國入境部門放寬到九月接受EU form,如果你九月或之前入境,可以唔需要做GB form。如果有需要填GB form填寫請參考:
https://www.facebook.com/groups/1153199821743179/permalink/1411683232561502/

重要事情講三次:

一定要用藍色原子筆填!!!
一定要用
藍色原子筆填!!!
一定要用
藍色原子筆填!!!

填完form之後,就要搵獸醫同漁護處。

入境英國10日前,要去搵獸醫做一個身體檢查,出返一張Health Certificate,同埋加簽EU/GB Form。狗嘅話要做多一步,入境前120小時要食杜蟲藥,之後先可以出Health Certificate同埋加簽文件。記住係要計返入境英國嘅英國時間,如果你搭Pet Taxi嘅話就係計到達euro tunnel嘅時間。

喺獸醫診所做齊所有文件之後就可以去漁護處申請健康證明書加簽,記住帶齊針卡同health certificate,而寵物就唔需要去。由於時間緊湊,所以建議book獸醫攞最早嘅時間,之後即刻去漁護處,in case有咩甩漏,都仲有時間補救。漁護處加簽需時一個工作天,早上交就早上有得攞,下午交就下午先有得攞。星期六星期日休息。由於漁護d人都真係好跟足程序做,而每人心中把尺都唔同,記住對清楚文件,同留多一日時間。唔係有啲乜嘢加加減減佢都要你去返獸醫加簽過。仲要佢唔係即刻同你講,而係之後先打返俾你同你講,你又要上返去拎返份文件走。

漁護處健康證明書加簽申請表:
https://www.afcd.gov.hk/…/qua_ie…/files/AF300_HCA_Mar17B.pdf

GB Health Cert

 來源 — 寵物移民揮手區

date:27/07/2021

適合主人親自帶自己毛孩

  • 我唔係專家 都參考過無數YT 吸取唔同同路人經歷 仍然需要來回漁處三次 我只係希望大家可以一take過完成麻煩既任務 如有任何疑慮 建議自己再搵答案
  • 請時刻參考多份資料 大家都明白資料要求隨時更新
  • 漁處人人不同 你成功唔代表我成功 但我會假設遇到既都係mean精 咁就需要最十足既預備 另外 保持禮貌 我相信佢地都會幫手 (雖然都係西面)
  • 漁處需要一個工作天出health cert,每工作天3時後先可以拎番張cert(星期一二航班請留意)
  • 漁處你填啱唔會cofirm你 填錯會打俾你 建議遞表當日唔好安排任何節目 最好朝早去 起碼有錯可以立刻到獸醫更改及加簽
  • 請記得記得帶針卡 機票打印本 及狗牌/貓牌如需立刻影印/打印 可以去隔黎西九龍中心1/F印
  • 大部分獸醫都唔太熟識漁處呢份野 所以佢地簽完 記得自己double check一次本人路線:荷蘭轉機 pet taxi 入UK 貓狗都有我自己穩陣會整晒EU+GB 亦有朋友整EU 自己衡量各$350一份 我一貓一狗 共$1400貓比較簡單 狗狗因為要做anti-parasite treatment 所以時間比較緊張 同埋有多啲資料要填

1.請你既獸醫用藍筆簽名 唔好問我點解 我見過有人被reject

2.獸醫會有自己name chop 但唔代表name chop係登記名 例如登記名係chan tai man 但name chop係peter chan 咁就已經唔可以 因為漁處職員會搵番你獸醫係唔係合資格 (我就係中左呢招要走多轉)

3.Species 貓:FELIS SILVESTRIS CATUS 狗:CANIS IUPUS FAMILIARIS 我幫朋友填又係 自己填都係 建議自己再查清楚

4.狗狗如有AVID 請填寫 如後加 漁處亦需要你去獸醫加簽後補文件唔係你自己填番上去就okay

5.狗Anti-parasite treatment 請加上狗狗重量 因為藥既份量係用你狗狗重量衡量

6.所有填ISO位置 狗狗記得加番AVID (本人亦因為呢個原因 再行多次)

7. 漁處份申請表 可以一次過填幾隻寵物 (係呀 個位好細 但可以照填)寫住咁多先 EU會再開另一個post 自行搜尋祝各位好人一生平安