Wednesday, April 27, 2022

土航:香港HKG~伊斯坦堡IST~法國CDG~Pet taxi 經Eurotunnel 往UK

 SOURCE

3月8日晚登機 土航:香港HKG~伊斯坦堡IST~法國CDG~Pet taxi 經Eurotunnel 往UK
✈️機票方面:
✈️訂漢莎—》取消
✈️訂瑞航-〉取消
✈️訂Qatar -》起飛前幾日告知航班改後1日
✈️訂土航-〉最終順利成行
🔖Tips: 由於鎔斷機制加上禁止🚫8個國家航班降落在香港機場,因此航空公司不斷變動與變更。在經歷漢莎與瑞航分別被取消後,我download 了「My HKG」Apps去看有哪些航空公司仍然有如常起飛及降落,從而決定訂Qatar 及土航。
比較:(純粹來自個人,不代表所有皆如是)
Qatar: 直接廣東話溝通,要先購買人既機票,再打電話上去request 寵物機位,詳情我之前po過,唔再重複。行李每人30kg,手提7kg,寵物逐kg計,行李超重逐kg計,記得係貴過土航。
土航:我直接打去英文部,詳情都係之前po過,唔再重複。‼️要留意‼️一定要send封email去香港office confirm是否確實留了寵物機位及詳細內容。好似我2隻貓in hold喺1個籠,英文部落order係1隻貓1個籠,所以一定要confirm清楚。
*記得有見好多人話土航貴,我自己因為行李超重加埋in hold費用,所以無法比較。
📍打大佬
- 打晶片同打rabies 我都係喺Pet Central Mongkok兼同一日內完成✅ 連同獸醫加簽我都係呢間。‼️要注意既係,由3月1日開始,不再接受獸醫加簽文件。
*加簽文件不需要在打晶片及rabies同一間診所做
-記得叫獸醫掃下貓身上面張晶片仲有冇喺度,同埋對下個晶片號碼岩唔岩
- EU同GB各填好一份,‼️用藍筆‼️,另有一份漁護署既申請表(樹form)獸醫除加簽以上文件,仲會出返份Fit to travel/ Fit to fly信件證明,一隻貓一張。仲有記得針卡。記住所有文件要對清楚至好離開!!!仲有book左Pet taxi既invoice同埋機票。
🔖Tips: 因應疫情關係,漁護署只開星期二、四,時間由0900至1630,敬請計算好時間。(貓🐱到達UK起計的10日內)
最理想係上午去獸醫度簽文件,跟手再過去漁護署交文件,有問題下午會收到漁護署電話。我自己填既野係岩晒,但居然衰左喺獸醫簽多左個位(EU form),獸醫簽埋漁護署獸醫個格🤦🏻‍♀️ 搞到我又要碌出去護漁署交返張吉表。。。最後成功取回文件,呢part至叫做完成✅
📍Check in
起飛前一日,土航會有職員打電話提你記得早4小時入機場及影印針卡連所有動物證明文件一式兩份。我係2305起飛既班機,即1800開始可以check in。不過我為咗安心起見,1630已經到機場,先去做左PCR TEST先,主要係驚真係會check,同埋自己安心,所以我照book左機場做,1.5小時左右就收到報告了。
👉🏻PCR Test: 香港離境不用睇,IST轉機不用睇,我係打咗3針同已經過左14日,法國不用睇,入英國更加不用睇。
👉🏻1800 check in,我係排第一個。職員先磅重行李,然後再磅重動物籠加動物。要俾既文件有:特衰護照、EU 同GB Form、Fit to fly / travel 信、針卡。同埋記得要網上填好法國既Passenger Locator Form。呢份野係有啲玩野既,佢話Optional 既地方都要填滿晒至得,同埋好多位我都填唔到,所以我將手機俾左職員幫我填🙈 (大家唔好學我)。搞掂左之後,職員叫我繼續keep住籠物,直到2130再返去counter搵佢,咁再安排人帶我去送低寵物俾超大型行李位。
👉🏻呢個時候記得要填Eurotunnel 既API Booking,仲有英國既Passenger Locator Form(好似係3月18日開始唔使再填)。我記得要upload針紙既,法國既就忘記左要唔要upload
📌轉機
-HKG往IST係會隔開一個位坐既,所以安心又舒服😌而且有晚餐同早餐提供,亦都有得揀食咩。仲有一袋牙刷、牙膏、拖鞋等等物品送,都幾貼心。
-到左IST,因為轉機時間只有1小時多啲,而我座位係Business 之後2行,所以好快就落到機兼上埋無人車直去航廈。到達航廈時仲係0615,要等到0630至會出閘口資料,所以就安心坐低兼用機場免費Wi-Fi 報平安。
-個閘口27號係最後面既,所以一知道就最好起行。到閘口後,要俾特衰護照職員睇,但個職員好似第一次見咁,仲要同隔離既職員研究,再問我由邊度黎🙄 最後登機係成架機爆曬架!!!然後又食一餐早餐,而且等轉機期間,係見唔到寵物既…飛左3小時,總算到達法國巴黎機場。
📌CDG機場
呢度一落機就要check護照同埋針紙,然後就去拎行李。但係見唔到之前網上面啲人講既綠色通道,加上無職員,咁我唯有一見類似關員既人就用英文問。果然法國人英文係唔多好,然後我肢體動作加一句:Meow,佢即刻明晒!叫我去17號既特大行李度等。呢個時候又係用機場WI-FI ,pet taxi司機已經到左機場等緊我,問我進度如何?就唯有話佢知叫佢等。都等左幾耐,期間見到職員就問,都係出動肢體動作加Meow,個個都係話去17號等。終於等到2隻豬現身,佢哋喺籠入面又痾屎又痾尿,好彩入面有尿墊,不過都無時間俾我去替換,就趕急出關啦!
📍Pet taxi
👉🏻有好幾間,豐儉由人,我唔特別講,我自己就係用Pet Moves Aboard,一直用email同WhatsApp 同負責人聯絡,有咩唔明就問,然後對方都好快回覆。司機勁好人,好細心,令我雖然由1100坐到1800都仍然覺得舒服😌而且中途會時不時停休息站,可以去下廁所、買下野食或飲品。
🔖Tips:不過可能對方真係好忙,有時會有甩漏,所以自己要睇緊啲,同埋唔好怕問。
📌司機接左後,佢會要你張針紙俾佢影相upload既。然後去到Pet Reception 度,要俾EU Form同針卡,司機叫我慢慢,唔好急。跟住會俾部機你掃寵物晶片,一隻一隻黎,全程都係司機搞,我企喺度睇。因為係平日,所以完全無人,我哋好快趣搞掂就去Eurotunnel 啦!
📌Eurotunnel 其實係一架大火車🚄,pet taxi會成架駛上架火車度,然後就等火車開車,35分鐘就入左英國境架啦!入英國境後,要出示護照,呢個時候就係出示BNO啦!對方會問你邊度黎既,答完就放行。
👉🏻我哋比原本要坐Eurotunnel 既時間遲左幾分鐘,所以司機載左我去Eurotunnel 既休息站。個度因為係平日,無咩人,好舒服😌佢話佢朋友俾左錢,share俾佢,所以益埋我,呢個真係extra!因為裡面既所有食物同飲品都係免費,所以司機叫我盡情食、飲同拎!佢推介我一定要食法國乳酪,話比英國既好食好多倍!!!因為佢咁好人,加上揸咁多個鐘頭車真係辛苦,所以我到埗後係有俾貼士佢架!當然,俾唔俾隨心啦!
打左咁多,我2隻豬一出籠就即刻去流動廁所痾尿,瞓完一晚仲胃口大開咁食唧唧醬。我兩個老人家14歲(有高血壓)同埋11歲都做得到,你哋既都可以架!!!!

Monday, April 25, 2022

寵物入EUROTUNNEL的CHECKLIST

正常你可以到以下網站參考

https://www.eurotunnel.com/uk/travelling-with-us/travelling-with-your-pet/checklist/

但如果你沒有VPN,香港是入唔到..........😅......

不過有網友轉為一個PDF,大家可以參考(可能不是最更新)

CHECKLIST


Wednesday, April 20, 2022

寵物主人6招令業主放心

 英國政策寵寵欲動 寵物主人6招令業主放心

寵物平權為大勢所趨,英國政府最近更新了標準租樓協議範本,使用該協議的業主將不再有權利自動拒絕租客帶寵物居住,但租戶仍然必須為寵物造成的任何損失支付維修費用或賠償。任何拒絕寵物入住的業主須於準租客提出帶寵物入住的要求後28日內以書面拒絕,並提供合理理由,如單位面積太小或屋內樓梯太長或太高等。不過標準協議僅作為準則,並不具有法律約束力。
目前英國有超過一半的成年人口擁有寵物,但宣傳物業可養寵物的私人業主只有7%;在英格蘭,法例訂明業主不能收多於五個星期的租金作為按金,很多業主因寵物發出的聲音和氣味或寵物可損毀物業而不歡迎寵物業主租住,因此許多寵物主人尋找合適房屋時面對不少困難,這甚至意味著他們不得不放棄寵物。然而,在疫情期間,因為更多人有更長時間在家工作,有愈來愈多人在家養寵物。此外,隨著愈來愈多人租用更長的期限,對於業主來說,其物業要適應租客的需求變得更加重要。
其實租屋予有寵物的租客亦有好處,有研究發現他們能支付更高的租金,願意放寬寵物政策的業主可增加收入,並能吸引長期租戶,有效地縮短物業閒置時間,讓租戶住得更自在,鼓勵他們好好照顧該物業。另外,市場上亦有專門的業主保險政策,涵蓋由租客的寵物造成的意外損壞。在蘇格蘭,威爾士和北愛爾蘭,房東和出租代理可以要求額外的寵物按金,這筆錢必須與標準租賃按金存在保障計劃中。
作為有寵物的租客,可以參考以下租樓貼士:
一,自願提出每月增加25鎊的租金及支付五星期租金的按金;
二,提供前業主的推薦信或寵物履歷證明寵物生活行為良好;
三,主力尋找沒有傢俬的放盤;
四,提出支付寵物清潔費,在租期結束時一次過支付100至150鎊作專業清潔費;
五,主動帶寵物見業主;
六,如果業主同意飼養寵物,要確定合約上清楚寫訂明,為免以後有爭議。
作為業主,若想出租物業給有寵物的租客,可以自行查閱該動物品種的特性,而且考慮將屋內厚毛地氈改為地板或較用容易打理的地氈。另外,租屋中介可定期入屋檢查,簽約前可與租客協議一個更長的租期和支付一次性的清潔費。
非水魚
蘋果日報 2021-02-14