Tuesday, May 10, 2022

去漁護處申請加簽,不如講講邊度最易出事?

FACEBOOK PAGE 

繼續實戰分享

🐣 打大佬👊🏻最常見出事位o係邊?
有關最重要既一part 去漁護處申請加簽,不如講講邊度最易出事? 盡量避免中招,祝大家可以1Take Pass 🤟🏻🤟🏻
⬇️
🐶 🐱 晶片號碼 - 最常見, 衰自己,晶片號碼寫錯或者寫漏
🐶 🐱人既機票/船飛/Pet Taxi 收據 - 漏左比行程証明, 此乃必需文件
🐶 🐱樹form上 "目的地" 需填上你轉機/轉船經過的國家
🐶 🐱漏左Annex form不作商業販賣既聲名 - 因為要分開download的,好多人漏左呢個page
🐶 🐱無提供雙晶片信 - 關於呢封信,聽返黎有好多個唔同既版本,未完全捉到路,不過如果你兩個晶片唔係貼在同一針卡,建議都準備定啦,簡單一句就ok, 無謂走多轉嘛
🐾例子1: 針卡上只有ISO Barcode label, Avid是手寫所以不接受, 需要獸醫獨立出信証明,而Fit To Fly 上既晶片資料不被漁記接納🤷🏻‍♀️
🐾例子2: 兩款晶片分別記錄在不同針卡,需要獸醫出信証明,而Fit To Fly 上既晶片資料不被漁記接納🤷🏻‍♀️
🐶 🐱 Rabies到期日 - 記得到期日跟返狗牌或者針卡上所寫,唔好自己改短左做1年呀。有關Rabies生效期,加不加21天都有成功例子,暫時無聽過加左/無加有比漁記彈返轉頭
🐶 🐱Rabies資料填多左 - 手多填埋舊既 batch number (即係填左兩個batch number) 即彈,只需填最新一個
🐶 杜蟲資料唔齊 - 呢部份由獸醫填,要提提佢填晒體重,成份,份量
🐱 無佐劑Rabies Batch number 填錯- 比較多貓貓主人選擇NISSEIKEN, 呢隻針卡上既疫苗記錄有兩個version:
舊版: 有疫苗貼紙 , Batch Number位於右上方6個digit (Example: 2021-R6)
新版: 疫苗用吸印,吸印沒有Batch Number ,需要診所手寫 3個digit (Example: 20-5) , 診所同時會出一封疫苗証明包含Batch number
🪅大家交form前真係最好揾多個人再三核對多次d號碼
🪅同埋交form前記得影低晒佢📷 , 萬一唔好彩收到電話都即刻睇得返邊度出錯嘛
🪅加簽建議揾返近深水埗/長沙灣的VET,補獲最緊要快手
祝順利, 有update歡迎話我知
By Toto

無罰款Cut左未完嘅PCCW HKT固網電話合約

 呢件事只係cap2張圖同埋send份表出去就完成左cut未完約嘅 PCCW HKT家居固網電話,所以差d唔記得左,宜家要搞Cut網上行寬頻,又係打熱線問先記得原來我己經成功過一次! 所以話呢,有d咩條文講清楚係點,唔緊要,有熱線就打熱線問!有人聽、有交流就有希望!大家如果想cut就可以照做,祝大家都成功呀! 

00:00 intro 

00:30 本身條文話提早完約係要罰錢 

01:08 打熱線問就又幫到你喇 

01:38 交表+交文件=等批 

03:37 成功Cut左!唔駛罰錢!勁開心! 

05:07 本身寬頻想搬遷去俾屋企人用,點知熱線又提我可以咁樣直接Cut! 

06:34 Cut唔同服務要用唔同form嫁,祝大家好運!




香港-新加坡-荷蘭-英國 45個鐘之旅😼Part 2

  FACEBOOK PAGE1 PAGE2

想補足一下我part 1講得唔夠詳細嘅地方:

- Transshipment license 就淨係新加坡先需要嘅,暫時我未見過其他谷友有話其他國家都要申請
- License application到就揀返 ‘License to import/export/transship animals, birds, eggs and biologics’
- 可以提早申請個license 嘅,佢個有效期係由出咗approval果日計起30日 (e.g. 我係2月23號申請,2月25號收到個license,咁個license expiry date係25 March)
- 申請transshipment license 會需要upload ‘valid rabies vaccination record’ 要make sure 個針咭上面有主子嘅晶片號碼!我自己就upload埋佢打晶片張certificate (ONLY for import of dogs & cats)
- ⭐️另外申請呢個license 有個tricky 位,就係你要有一個Singapore local number for emergency contact😬呢個時候你就可能要搵朋友幫吓手,但佢哋唔會去聯絡呢個contact嘅,只係以防萬一。如果你真係搵唔到local number,你就要搵佢哋AVS recognised pet agent去幫你搞 (https://www.nparks.gov.sg/.../bringin.../general-information) 又或者(呢個係我老公講架姐🙈)買一個local number 頂住檔先
咁番返去大王移民之旅 ~ 新航叫我哋check in早三個鐘到去,我哋班機就18:50 所以我哋3點半就已經到咗😂點知去到個counter都未開!等咗大約半個幾鐘到,就見到啲地勤人員開始行出嚟。果日都好多人搭新航,但又無見到有其他人有帶寵物,咁我哋就問吓個姐姐應該點做、排邊條隊,佢哋啲人都好nice咁叫我哋排premium economy果條隊。去到counter 到 感覺上佢哋都好清楚知道個手續,佢哋會睇哂所有documents同會影相嘅 (make sure你print哂啲documents 出嚟📑 有多好過少)
寵物位個價錢就係睇佢連埋個籠幾重嘅,大王就4.2k.g 連埋個籠就好似差不多8kg,個費用就大約$2600💸 搞掂哂之後佢哋叫我哋17:45先帶大王過嚟上機啦陪多佢一陣先🥺咁我哋就同大行周圍行吓、餵佢食佢最心貓愛嘅treat treat同安慰吓佢啦,因為都睇得出大王有啲攰同唔耐煩😹
說再見嘅時刻終於到 ~ 原來飛去新加坡果程機有隻狗狗做鄰居,但大王就唔係好鍾意佢,hiss咗佢幾次😹😅(真係唔好意思呀如果果位主人都喺呢個Group),我哋就跟住個工作人員推大王’入閘’。我實在好唔捨得佢,所以我都企咗喺個玻璃門出面望多陣先走🥺 但我見啲工作人員都好小心又會同大王say hi😂我個心都舒服啲,最後就我哋自己上機了~
準備Boarding 時,我有問個地勤人員可唔可以check吓大王係咪已經喺架機到,個姐姐就即刻用對講機去幫我check。等咗5分鐘到,佢就confirm我大王已經上咗機啦😎去到新加坡轉機時,我都係一樣boarding時問個地勤哥哥大王係咪都成功轉咗機,我哋等咗15分鐘都無消息😖好緊張同埋驚係咪發生咗啲咩事!個哥哥就叫我哋上機先,佢應承我哋一定會嚟update我哋,我果刻真係好緊張個心跳得勁快 如果大王有啲咩事我會內疚一世!!!!😭大約過多15~20分鐘佢就confirm 我哋大王安全上咗機😮‍💨
13個鐘後就到咗荷蘭🇳🇱 我哋一到就即刻mark實 ‘odd-size baggage’個出口,但等咗一陣都未見到大王,淨係得啲BB車呀滑板呀。再等多陣有個機場人員行過嚟我哋到問我哋係咪有隻貓 (唔同我哋個樣真係咁貓奴😂?) 佢話你哋隻貓安全到咗啦 但佢喺另外果邊個odd-size baggage area,我即刻跑過去啦 但又見唔到佢,跟住有個哥哥過嚟問我係咪大王嘅主人呀?原來因為果班機得大王一隻動物,所以佢哋就直接帶咗佢去office 到等我哋去接佢,唔洗自己喺出面個輸送帶到等🥺真係好好人!! 大王當時有啲神情呆滯,但我睇得出我一叫佢時佢知係我!佢即刻起身行過嚟我到😭 我老公拎埋啲行李過嚟,就打開個籠俾大王行出嚟抖吓。佢一行嚟就大喵幾聲,鬧爆我哋喺到搞乜野😂我哋發現佢張被仔濕哂同有陣尿味,連佢個身都有陣味,咁就快啲幫佢抹下個身清潔一下先。跟住就去清關,個美男海關人員(😏)會要睇EU form對哂資料就拎去扱印啦,佢就無要求過要拎大王出嚟,只係就咁隔住個籠望一望姐。
我喺上一個post有講過本身係飛finnair嘅同埋會需要喺荷蘭過一晚先再搭船,所以我哋係已經book左一晚酒店。當我哋轉搭新航時發現,我哋會朝早七點就到荷蘭,距離上船時間成9個鐘!所以就決定keep 住間酒店房,咁我哋就可以去沖個涼抖吓同埋大王都可以去吓廁所休息吓。我哋有同間酒店講我哋會朝早先check in,佢哋都好好咁offer 我哋late check out等我哋可以休息吓再去上船。大王到咗酒店房之後,飲咗好多水但就無食野,淨係周圍行吓八卦吓咁啦~
我哋係搭DFDS去Newcastle嘅,咁就要喺船到過一晚夜 (2人1大王就一共£200)。去到碼頭個check in counter時,工作人員有要求睇GB form同埋會俾個microchip scanner我哋去scan大王嘅。船上面有餐廳呀bar呀果啲,我哋就決定order埋dinner buffet + breakfast ,價錢我就唔太記得,你預百零二百蚊一個人啦~ 而間房就細細哋,有獨立洗手間嘅。make sure 你有帶牙刷牙膏呀沐浴露果啲啦,因為船方面只有提供毛巾,同埋船上面買就貴啲咯。最最最開心係大王肯食野同去廁所!我哋有帶一個可以摺嘅貓砂盤,方便佢任何時候/地方都可以用😬同埋帶埋佢喺香港訓教張被!好緊要!
唔知係咪太肚餓同攰😂我覺得船上面食果兩餐都幾好食(佢dinner buffet有個燒羊腿,值得一試🤣) 我哋都有去佢個bar飲杯啤酒嘆吓~有live music添 幾有feel😂 我哋果晚個海無乜大浪幾舒服,不過大王夜晚時一開始唔肯訓,不停叫,慢慢佢叫到攰就爬上佢張被到訓,我哋都終於可以舒舒服服咁訓吓😴
一晚過後,我哋就成功到達英國Newcastle🇬🇧天氣好好,好開心同grateful成個journey都無咩麻煩嘅地方🙌🏻 見到大王好開心咁喺間屋跑上跑落,所有hard work都係值得! 準備出發嘅主子奴才們,加油!